Обвинетите за автобуската несреќа кај Ласкарци не се чувствуваат виновни

Во кривичниот суд во Скопје денеска започна судењето за тешката сообраќајна несреќа што се случи на 13.02.2019 кај селото Ласкарци, во која животите ги загубија 16 патници, а 35 беа повредени.

На обвинителната клупа седнаа шест лица – сопственикот на компанијата, возачот на автобусот и уште тројца вработени во станицата за технички преглед кои се товарат за тешки дела против безбедноста на луѓето и имотот во сообраќајот, и уште едно лице кое е обвинето за несовесно работење во службата.

Предметот го застапува скопскиот обвиниетел Дарко Јакимовски, а по него постапуваат Дијана Груевска-Илиевска и Александра Ристеска и тројца судии поротници.