Гостивар
Од Гостивар испратени пораки за соживот, еднаквост и разбирање
Во рамки на одбележувањето на неделата на Промоција на хумани вредности на Црвениот Крст, во Гостивар беше организирано дефиле и испраќање на пораки за соживот, еднаквост и толеранција. Во настанот, покрај организаторите од Црвениот Крст учествуваа граѓани, ученици и децата кои го посетуваат Дневниот Центар за лица со посебни потреби. Дефилето започна токму од оваа установа, а заврши во Амфитеатарот во паркот, кадешто беа упатени пораките.
„Целта е да испратиме кратка, но јасна порака дека сите сме исти на ова парче земја и дека не` грее исто Сонце. Сакаме да придонесеме за градење на едно друго општество, кадешто ќе нема предрасуди кон никого, заради бојата на кожата, попречености и слично“, рече Горан Михајлоски, од Општинската организација на Црвениот Крст-Гостивар.
Симона Јанакиеска, волонтер во организацијата во својот реферат нагласи дека Гостивар е град кој спојува многу националности и е пример за соживот.
„Сите сме свесни дека постојат проблеми, за коишто единственото решение е преку заедничко дејствување или пак толеранцијата која треба да ја поседува секој од нас. Сечиј живот е важен, и секој претставува нешто за нечиј живот. Секој има исти права, и поркај тоа што потребите и желбите ни се различни“, рече Јанакиеска.
Програмата Промоција на хумани вредности служи како алатка за поттикнување и задржување на волонтери. Младите посетуваат обуки за вредностите на Црвениот крст, за културниот дијалог, градењето на интеркултурно општество, а се стекнуваат со практични знаења за изработка на мали проекти што се за добробит на заедницата во којашто живеат.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ