Од полноќ, горивата поевтинуваат за половина денар

Регулаторната комисија за енергетика (РКЕ) донесе одлука со која се врши намалување на малопродажните цени на нафтените деривати во просек за 1,03% во однос на минатата недела.

Со тоа, малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) се намалуваат за 0,50 денари/литар, додека малопродажната цена на Екстра лесното масло за домаќинство (ЕЛ-1) се намалува за 1,00 денари/литар.

Од полноќ, ЕУРОСУПЕР БС – 95, ќе се продава за 76,50 денари/литар, ЕУРОСУПЕР БС – 98 78,50 денари/литар, Дизел гориво ЕУРОДИЗЕЛ БС (Д-Е V) за 67,50 денари/литар и Екстра лесно 1 (ЕЛ-1) – 66,50 денари/литар.