Гостивар
Одземени 6 возачки дозволи во синоќешната акција во Гостивар
Секторот за внатрешни работи Тетово ноќеска спроведе уште една од серијата акциски контроли на возачите – дали и колку од нив ги управуваат возилата под дејство на алкохол. При контролата откриени и санкционирани се вкупно 10 возачи-прекршители (Тетово-4 и Гостивар-6), од кои кај 1 возач во Тетово биле утврдени до 2 промили алкохол во крвта, а кај преостанатите до 1 или 1 и пол промили.
„Сите се веднаш исклучени од сообраќај и изготвени им се соодветни поднесоци со парични глоби од 225 до 370 евра во денарска противвредност, а времено ќе им бидат одземени и нивните возачки дозволи од три месеци до една година.“, информира портпаролот на СВР Тетово, Марјан Јосифоски.
Исти така вчера, во периодот од 8 до 20 часот на подрачјето на СВР Тетово спроведени се повеќе контролни активности за брзина со која се движат возилата, во рамките на кои биле санкционирани 22 пречекорувања на максимално дозволената брзина надвор од населено место (Тетово-15 и Гостивар-7).
Притоа еден возач пречекорил за повеќе од 70 километри на час, 5 за 50 до 70 километри на час и така натаму. Санкционирано, исто така, било и 1 пречекорување на пропишаната брзина во населено место, како и 25 други видови сообраќајни прекршоци.
Секторот за внатрешни работи Тетово повторно апелира до возачите да не консумираат алкохол доколку планираат да ги користат или веќе ги користат нивните возила, без разлика на поводот и се друго, да ја прилагодат брзината според условите на патот и непотребно да не брзаат.
Ова, дотолку повеќе што следуваат дождливи и снежни денови кога коловозите се лизгави и кога е потребно внимателно движење со возилата, посебно оние кои ќе патуваат кон Стража, Маврово или Попова Шапка.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот