Оглас за 22 вработувања во Општина Гостивар

Агенцијата за администрација објави оглас за вработување на 22 државни службеници во Општина Гостивар на различни работни позиции. Во службата за поддршка на градоначалникот се бараат службеници за односи со јавност, за меѓуопштинска соработка, соработник за месни заедници, потоа службеници во Секторот за правни општи и организациски работи, советници во Секторот за финансиски прашања итн.

Платите се движат од 15. 229 денари до 26.677 денари.

Огласот е објавен на 30 април и ќе трае до 14 мај. Селекцијата ќе се врши во три фази:

Фаза 1 – административна селекција се спроведува во рок од 15 дена од завршувањето на објавениот оглас.

Фаза 2 – испит за административен службеник се спроведува во рок кој не може да биде пократок од 10, а подолг од 30 дена од завршувањето на фаза 1 и истата се снима и емитува во живо на интернет страницата на Агенција за администрација.

Фаза 3 – проверка на веродостојност на докази и интервју се спроведува во рок од 10 дена од завршување на фаза 2.