Оглас за вработување на 150 војници во Армијата

Министерството за одбрана објави оглас за прием на 150 професионални војници на служба во АРМ за работа на определено работно време со договор за вработување во времетраење од 4 години со можност за негово продолжување повеќе пати, но најмногу до навршување на 45 години возраст по избор согласно закон.

Како што стои во огласот кандидатите треба да исполнуваат општи услови: да се македонски државјани, полнолетни и да имаат посебна здравствена и физичка способност. Посебните услови се: да имаат завршено средно образование и да не се постари од 25 години на денот на завршувањето на огласот за прием на професионални војници.

Работното време е од 8 часот до 16 часот. Платата изнесува над 31.000 денари, со дополнителни над 10 илјади денари трошоци за станбено обезбедување.

Огласот трае 15 дена.