Оштетен „јагуар“ на гастарбајтер во Гостивар, две лица се повредени

СВР Тетово соопшти дека вчера (6 август) во периодот од 11 до 12.55 часот во Полициската станица Гостивар, А.А.(19) од Гостивар, Ј.М.(19) од Австрија, со место на живеење во Гостивар, А.М.(18) од Гостивар, Р.Х.(25) од гостиварски Градец, со привремена работа во Швајцарија и малолетник од Швајцарија, со место на живеење Гостивар, пријавиле дека на ноќта на 5 август околу 2 и 10 часот после полноќ на улица „Мајор Чеде Филиповски“ во Гостивар, неколку лица со тврди предмети го оштетиле возило „јагуар“ со тетовски регистарски ознаки, кое го управувал Р.Х., а сопатници биле останатите четири лица. Притоа, двајца од сопатниците се здобиле со повреди.

Се преземаат мерки и активности за расчистување на случајот, извести полицијата.