Осум лица повредени во масовна тепачка во Гостивар

Во физичка пресметка која настанала синоќа во населбата Фазанерија 2 во Гостивар, со повреди завршиле осум лица, од кои едно со тешки телесни повреди.

Како што соопшти полицијата, во масовната тепачка учествувале две поголеми групи: семејството и пријатели на И.П. и семејството и пријатели на А.Б. , а биле користени разни предмети од двете страни.

Во тепачката со телесни повреди се здобиле лицата Б.Е. (33) од Тетово, И.Б. (27) од Гостивар, А.Б. (34) од Гостивар, Е.П. (32) од Гостивар, Е.П. (22) од Гостивар, М.П. (49) од Гостивар и Е.Н. (18) од Гостивар. Со тешки телесни повреди се здобило лицето Б.Ф. (26) Теарце, тетовско. Тој по укажаната помош во гостиварската болница, а поради сериозноста на повредите, бил пренесен во комплексот клиники „Мајка Тереза“.

СВР Тетово соопшти дека се преземаат мерки за целосно расчистување на случајот.