Возачите да имаат трпение-започна реасфалтирањето на улиците околу училиштето „Гоце Делчев“

Започна реасфалтирањето на улицата пред главниот влез на основното училиште „Гоце Делчев“ во Гостивар, а следните денови ќе се продолжи со вакви зафати и на другите улици во тој реон. Улиците ќе се опфаќаат една по една, со оглед на тоа што, додека траат работите ќе бидат затворени за сообраќај.

„Почнавме со улицата пред главниот влез на училиштето, ќе се оди се до Витамин Ага, а потоа ќе продолжиме и од аголот до Комуналец. Вкупната должина е околу еден километар, а проектот ќе чини 12 милиони денари. Градежни работи за реасфалтирање од денес се одвиваат и во гостиварското село Форино, каде ќе се обнови една поголема улица со вкупна должина од околу 1,1  километар. Таму ќе се инвестираат околу 11 милиони денари“, изјави портпаролот на општина Гостивар Јасин Демири.

Од локалната самоуправа на Гостивар велат дека доколку работите течат според предвидената динамика, проектите целосно ќе завршат за три недели.