Гостивар
Паркот во Гостивар ќе добие нов лик и социјално инклузивен дел (фото)
Дел од големиот градски парк во Гостивар, кој ќе го опфати постојното детско катче кај некогашен Пионерски дом, ќе го трансформира изгледот и ќе добие социјално инклузивно катче-парк, каде ќе може да се забавуваат и рекреираат и децата со посебни потреби. Детско игралиште на оваа локација целосно ќе се реконструира, прошири и обнови, а со зафати дополнително ќе биде опфатена и околната површина.
Проектот, вреден 6 милиони денари, Општина Гостивар, ќе го реализира преку Бирото за рамномерен регионален развој и Швајцарската агенција за развој и соработка (СДЦ). Целта е градскиот парк во Гостивар да се претвори во актрактивен простор од социјален карактер, наменет за населението од сите старосни групи, како и децата и лицата со посебни потреби.
„Со овој проект аплициравме до Бирото за рамномерен регионален развој и СДЦ и обезбедивме средства за негова реализација. Самиот наслов на проектот Социјално инклузивен парк, кажува дека ќе бидат вметнати и играчки за децата со посебни потреби. Целата постапка од наша страна е завршена, имаме и одобрение за градба според сите стандарди за да се направи едно безбедно место за децата и сите граѓани“, рече Дашмир Османи од општинската канцеларија за Локален економски развој.
Предвидено е со реконструкција да се опфати површина од 3.200 метри квадратни. Од фотографиите може да се види каков ќе биде изгледот и содржината на паркот. Ќе се постават најразлични детски реквизити, лулашки, вртелешки, лизгалки, дел од нив приспособени за децата со попречености. Освен тоа локацијата ќе се поднови со повеќе клупи, канделабри, корпи за отпад и друга урбана опрема. Ќе бидат освежени и пешачките патеки.
Кога ќе започнат работите на терен, зависи од заокружувањето на тендерските процедури. Катчето што е предвидено за децата ќе биде заштитено со ограда и ќе има посебен влез.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ