Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 13/06/2019 | 12:42

Патниците на ризик – Од 20 контролирани комбиња и автобуси, 7 биле неисправни

Нема подобрување на состојбите со безбедноста на патниците во јавниот превоз на гостиварското и на тетовското подрачје. Превозниците ги ставаат граѓаните на ризик и продолжуваат да возат со технички неисправни автобуси и комбиња.

И последната контрола на Секторот за внатрешни работи Тетово, спроведена вчера од 8 до 12 часот го потврдува тоа.

Со контролата вкупно биле опфатени 95 возила, од кои 75 на тетовското и 20 на гостиварскот подрачје. Кај кај 21 возило, од кои 14 во Тетово и 7 во Гостивар бил утврден некаков вид на  несиправност. „Дванаесет од контролираните возила имале неисправни сопирачки ( Тетово-9 и Гостивар-3 ), две возила во Гостивар имале неисправни уреди за управување, две, по едно во секој град имале истечена регистрација, 3 неизвршен технички преглед (Тетово-2 и Гостивар-1) и 2 возила во Тетово – некомплетна опрема.“, соопшти Секторот за внатрешни работи.

Слични беа резултатите и од останатите контроли врз јавните превозници, кои полицијата ги спроведуваше во изминатиот период, а особено беа засилени по страотната автобуска несреќа на 13 февруари, кај Ласкарце која однесе 16 човечки животи.

Напишете коментар