Пелистер пресилен за Гостивар 101-76

Битолски Пелистер ја заокружи фантастичната серија 10 од 10 победи, совладувајќи го вечерва Гостивар со резултат 101-76.

Победникот беше одлучен уште во првите 10 минути, по фантастичното отварање на домаќините кои успеаа да ја добијат четвртината со дури 26 поени разлика (35-9). Вториот и третиот период им припаднаа на гостите од Гостивар, (20-23 и 19-20), но се тоа беше далеку од некаква можност за целосен пресврт. Ова е 10 победа за избраниците на Марјан Илиевски и трет пораз во серија за тимот на Александар Јончевски.

Игор Кесар беше најефикасен на натпреварот со 33 поени, искусниот Караџоски погоди 6 тројки запишувајќи 22 поени. Никола Силаџи беше најдобар кај гостите постигнувајќи 21 поен, Ефремоски постигна 17, Тодоровиќ 15 поени.

Во следното коло Пелистер му гостува на ТФТ Скопје, Гостивар ќе ја пречека екипата на Кожув.