Пензионирањето на здравствените работници се одложува

Владата на вчерашната седница ја дополни Уредбата за примена на Законот за здравствена заштита за време на вонредна состојба за престанокот на вработувањето по сила на закон, со престанок на Договорот за вработување или Договорот за продолжување на вработувањето на здравствен работник односно здравствен соработник, поради возраст.

Пензионирањето се одложува за време на траењето на вонредната состојба, во случај на стекнување право на старосна пензија, кога ќе наполни 64 години за маж, односно 62 години за жена согласно Законот за пензиско и инвалидско осигурување за време на вонредна состојба, или кога ќе наполни 64 години, односно кога со писмена изјава до работодавачот побарал да му се продолжи договорот за вработување најмногу до 67 години возраст согласно Законот за работните односи.

Согласно оваа Уредба, започнатите постапки поради возраст, се одложуваат за време на траењето на вонредната состојба.