Гостивар
Петнаесетина возачи во Гостивар и Тетово ќе платат казни оти возеле без појас
Секторот за внатрешни работи Тетово вчера (28 март) од 10 до 16 часот спроведе уште една од серијата засилени сообраќајни контролни активности, во чие средиште беше користењето на сигурносни појасни и на мобилни телефони. При контролата биле откриени и адекватно санкционирани вкупно 14 возачи (ТЕ-7 и ГВ-7) кои ги управувале возилата без да бидат врзани со сигурносни појаси.
Покрај ова, санкционирани се и 12 возачи (ТЕ) кои зборувале на мобилен телефон додека возеле и 2 возачи (ТЕ) кои не поседувале возачки дозволи. Во рамките на вчерашната активност се контролирало и паркирањето во Тетово и биле санкционирани 11 непрописно, односно погрешно паркирани возила, кои набргу потоа и биле подигнати од тетовската „пајак-служба“. На сите прекршители изготвени им се законски предвидените поднесоци и тие ќе се соочат со парични глоби кои за некористење на појас изнесуваат 40 евра за возач и 50 евра во денарска противвредност за сопатник, а 40 евра, исто така, е и глобата за зборување на мобилен телефон при возење.
Секторот за внатрешни работи Тетово ги потсетува возачите задолжително да ги употребуваат сигурносните појаси без разлика дали се движат по градските улици или на отворен пат, но и да се воздржат од користење на мобилни телефони за зборување или пишување на пораки. Зашто, тоа им го одвлекува вниманието и така се изложуваат на ризик да предизвикаат сообраќајна несреќа, неретко и со посериозни последици.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!