Гостивар
Пијани во училиште, пушење марихуана, тепачки – Состанок за загрижувачките појави меѓу учениците во Гостивар
Насилството меѓу учениците, злоупотребите на дроги и малолетничката деликвенција беа темите на кои се дискутираше на денешниот состанок во Гостивар меѓу полицијата, училиштата и општината. Ваквите негативни појави се присутни особено кај средношколците, а институциите се сложија дека е неопходно заедничко дејствување и поголема едукација на децата за последиците за да се спречуваат несаканите случаи.
Полицијата побара поголемо внимание од професорите и педагошко-психолошките служби во каква состојба доаѓаат децата на училиште и што носат со себе, затоа што имало примери кога биле во алкохолизирана состојба. Од општината предложија повремено да им се проверуваат ранците, со оглед на тоа што се случува во училиште да носат опасни работи како боксирачи, ножеви и сл.
Што се однесува до наркотиците, годинава, полицијата на гостиварското подрачје има регистрирано два случаи во кои малолетни лица извршиле кривично дело – продажба на дрога. Младите најчесто посегнуваат по марихуана, а особено загрижува фактот што ја користат и помали деца.
„Предничи злоупотребата на марихуаната, и тоа е особен проблем кој и ние како служба го регистрираме, најмногу кај средношколската популација, но тоа го има и кај деца од седмо, осмо и деветто одделение. Нас особено не` загрижува што во изминатите неколку години бележиме и случаи на злоупотреба на кокаин, исклучиво опасна психотропна супстанца.“, рече инспекторката Наташа Срезоска.
Психолозите од гостиварските училишта нагласија дека децата не се доволно информирани за сериозноста на последиците од злоупотреби на дроги и инволвирање во малолетнички криминал. Надлежните заклучија дека е неопходно да се организираат што повеќе работилници и предавања за едукација на учениците на тие теми.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ