ПИСМА: „Се претерува со гласна музика во локали во стариот трговски – Неподносливо е“

Во рубриката ПИСМА денес пренесуваме реакција на група граѓани на Гостивар кои живеат во околината на стариот трговски центар Јавор. Тие се жалат на прегласна музика и галама од локалите во трговскиот и ги повикуваат надлежните да преземат мерки.

„Ние сме околу стотина семејства кои живееме во центарот на Гостивар, околу трговскиот центар Јавор. Овде веќе десетина години не се живее од прегласна музика која доаѓа од три, четири локали. Музика секој ден во неделата, не за викенд, не два, три дена, туку секоја вечер од 23 до 3 наутро. Музиката е прегласна и летно време е неподносливо. Гледаме дека се казнуваат локали кои ги кршат правилниците за гласна музика, но овде никогаш, ама баш никогаш не сме виделе дека некој презема нешто. Нашето трпение е при крај. Молиме да се преземат мерки од соодветните институции и во најскоро време тоа да се среди“, пишуваат граѓаните.