По три сообраќајки дневно – Се вози брзо и на лизгавите коловози

Снегот кој наврна во полошкиот регион го зголеми ризикот на патиштата. Лизгавите коловози носат опасност од сообраќајни несреќи, особено кога возачите не ја прилагодуваат брзината според условите на патот. Полицијата потенцира дека често пати се случуваат судири на возила и излетувања од коловоз, пред се на автопатот Гостивар-Тетово-Скопје. За пет дена на тетовско-гостиварското подрачје регистрирани се вкупно 17 сообраќајни несреќи, од кои една со погинато лице и со вкупно 23 повредени

Од Секторот за внатрешни работи нагласуваат дека нерамниот коловоз, заедно со големата брзина со која се движат возилата по автопатот, се најголемите ризик-фактори за „сообраќајки“ со сериозни последици и оваа годинава. Во многу од излетувањата, возилата се превртуваат на или надвор од коловозот и се причинува значителна материјална штета.

СВР Тетово повторно апелира до возачите да не возат пребрзо по автопатот и да се прилагодат на посточеките услови, а до надлежните да ги преземат сите неопходни технички и други мерки за поголема безбедност на автопатот, согласно нивните законски предвидени обврски и надлежности.