Гостивар
Почна со реализација планот за санација на кракот Гарска Река – Тресонче
Почна со реализација патниот крак Гарска Река до село Тресонче, едно од најживописните села од областа Мала Река, општина Маврово и Ростуше.
„На наша голема радост, одлучно започна со реализација дел од планот за санација на патниот крак Гарска Река – Тресонче, кој што беше подолго време планиран и потврден на трилатералниот состанок кој пред скоро време го одржавме со надлежните авторитети“, објавија од месната заедница. Моментно во тек е првата фаза од планот при што од страна на Националниот парк „Маврово“ и Комуналното претпријатие „Маврово“ се врши кастрење на вегетацијата крај патот и негово проширување со помош на механизација.„Втората фаза е санација и подѕидување на критично обрушеното речно корито кое опфати и дел од патот. Во третата фаза ќе се изврши санација на асфалтот на сите точки каде е констатирано уништување и пропаѓање“, се наведува во објавата.
Се изразува благодарност за надлежните што покажале подготвеност за решавање на ова прашање. „Изразуваме огромна благодарност до општина Маврово и Ростуше, НП „Маврово“ и секако нивните раководства за искажаното разбирање, одличната соработка, слух за нашите проблеми и агилност во изнаоѓање на решение“, се посочува во објавата. Селото Тресонче од каде потекнува познатиот Дичо Зограф, како што велат записите е „село каде изгрејсонцето е најубаво“. Некогашните жители и нивните потомци ги имаат обновено старите и изградено нови куќи, а селото заживува од пролет до есен, а многу од нив тука доаѓаат редовно за викенди и празници.-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар