Поврзи се со нас

Вести Гостивар

Поднесени обвиненија за газдата, возачот на автобусот и уште четири лица за трагичната несреќа кај Ласкарци

Објавено

на

    Основното јавно обвинителство Скопје поднесе Обвинителен акт против шест лица осомничени дека сториле тешки дела против безбедноста на луѓето и имотот во сообраќајот, кои резултираа со тешката сообраќајна несреќа на автобусот на „Дурмо турс“ во која 16 лица го загубија животот, а вкупно 38 патници се здобиja со тешки телесни и телесни повреди.

    Соопштението на обвинителството го пренесуваме во целост:

    „Во временскиот период од 02.07.2018 година до 13.02.2019 година, обвинетиот сопственик на фирмата превозник и обвинетото одговорно лице за возниот парк на превозникот, не се придржувале кон прописите за безбедност на автобускиот сообраќај за масовен јавен превоз. Иако биле свесни дека може да настапи штетна последица, предизвикале опасност за животот и телото на луѓето кои се превезувале во автобусот на критичниот ден на релација Скопје-Гостивар. Имено, сопственикот на компанијата превозник единствено поседувал задолжителен сертификат за професионална компетентност во патниот сообраќај, како услов за добивање лиценца за вршење превоз на патници. Сепак, иако бил должен како одговорно лице, тој не организирал ниту пак трајно вршел контрола над исполнувањето на пропишаните услови за работа на возачите и на техничката исправност на возилата, со што постапил спротивно на Законот за безбедност на сообраќајот на патиштата. Во исто време, тој не организирал ниту вршел контрола над целокупното работење на превозникот, не ги запознал возачите за придржување кон одредбите од Законот за работното време на мобилните работници во патниот сообраќај, не обезбедил редовно преземање на податоците од тахографот и не водел евиденција и проверка на времето на управување со возилата за секој возач посебно. Иако знаел дека не смее, раководењето со возниот парк го препуштил на вториот обвинет, кој не поседувал сертификат за професионална компетентност во патниот сообраќај. Притоа, во превозникот не се водела соодветна евиденција на поправките на автобусите, на работното време, паузите и одморите на возачите, а возачите биле оставени сами меѓусебно да го организираат возењето и да водат сметка за сите обврски кои се должност на одговорното лице во превозникот. Сопственикот на фирмата-превозник не водел сметка за исправноста на аналогниот тахограф и дозволил да се изврши манипулација на овој уред за да не ја регистрира правилно брзината на движење на автобусот. Обвинетиот раководител на возниот парк, пак, давал насоки на возачите каде да го однесат автобусот за да се изврши манипулација на тахографот со цел да избегнуваат казни за сообраќајни прекршоци. Свесни за континуираната техничка неисправност на автобусот, двајцата обвинети не презеле дејствија за поправка на битните делови од системот за сопирање на автобусот, знаејќи дека и во таква состојба автобусот ќе биде прогласен за технички исправен, затоа што техничките прегледи се вршеле во здружение во кое првиот обвинет исто така е одговорно лице-управител. На овој начин двајцата се обвинети дека сториле кривично дело – Тешки дела против безбедноста на луѓето и имотот во сообраќајот од чл.300 ст.2 во врска со чл.297 ст.2 од Кривичниот законик.

    Три други лица, вработени во станицата за технички преглед, се обвинети дека во соизвршителство сториле кривично дело – Тешки дела против безбедноста на луѓето и имотот во сообраќајот од чл.300 ст.2 во врска со чл.299 ст.1 од Кривичниот законик. Ним им бил доверен надзорот врз состојбата и исправноста на автобусот, но заеднички, со несовесно вршење на должноста при задолжителен технички преглед, предизвикале опасност за животот и телото на патниците. На 02.07.2018 година, при редовен периодичен шестмесечен технички преглед, воочиле дека е неисправен ABS системот и дека постои недоволна ефикасност на кочењето од 32%, како и разлика од 56% меѓу силите на кочење меѓу левото и десното тркало на втората кочница од втората (погонска) оска. Сепак, во записникот за технички преглед не ги навеле овие неисправности и со свој потпис и печат го завериле записникот за технички преглед, прогласувајќи го возилото за технички исправно. При следниот технички преглед на 18.12.2018 година тие воопшто не го прегледале уредот за сопирање, за кој претходно знаеле дека е неисправен. Повторно изготвиле записник за технички преглед и потврда во кои навеле дека возилото е технички исправно.

    Со обвинителниот акт е опфатен и возачот на автобусот на критичниот ден, 13.02.2019 година, кој е обвинет дека сторил кривично дело – Тешки дела против безбедноста на луѓето и имотот во сообраќајот од чл.300 ст.2 во врска со чл.297 ст.1 од Кривичниот законик. Тој го управувал автобусот со 55 патници во него, по средната сообраќајна лента од автопатот „Мајка Тереза“, во правец од Скопје кон Тетово. Кога дошол во близина на селото Ласкарци, при изминување на благ свиок во десно, возел со недозволена брзина од 99 км/час. Притоа брзината не се регистрирала правилно на тахографот, бидејќи обвинетиот го управувал автобусот со вклучен прекинувач за неправилно бележење на брзината. Заради преголемата брзина, изгубил контрола над управувањето со автобусот, започнал лачна траекторија на движење во лево, преминал на левата сообраќајна лента и со предниот лев страничен дел од автобусот удрил во металната заштитна ограда. Преминал преку оградата и продолжил неконтролирано да се движи најпрвин преку средишното зеленило кое ги раздвојува двете сообраќајни ленти, преминал преку заштитната ограда за сообраќајната лента во спротивна насока и преку коловозот во спротивна насока. За ова време успеал да ја намали брзината на автобусот на 67 км/час пред да удри во последната заштитна ограда, но поради недозволената брзина и недоволно ефикасниот систем за кочење, излетал со автобусот 5,5 метри под нивото на автопатот, се излизгал преку регионалниот пат Скопје-Тетово и се превртел на покрив на земјена и тревна површина покрај патот.

    Притоа, ценејќи дека постои опасност од бегство на осомничените и дека нивното присуство во текот на кривичната постапка не би можело да се обезбеди со поблага мерка, надлежниот јавен обвинител до Основниот кривичен суд – Скопје достави и Посебен предлог на шесттемина обвинети, кои во моментов се наоѓаат во куќен притвор, да им биде определена мерка притвор.

    Основното јавно обвинителство Скопје, во врска со истиот настан, денеска поднесе и Обвинителен предлог против едно лице кое се товари дека извршило кривично дело – Несовесно работење во службата од чл.353-в ст.4 во врска со ст.1 од Кривичниот законик.

    Овој обвинет, како одговорно лице во правното лице задолжено да врши проверка и контрола над работата на тахографот во автобусот, иако утврдил дека постои вграден уред за манипулација на апаратот, издал потврда и пополнил налепница со која ја потврдил исправноста и сообразноста со законски пропишаните барања. На овој начин тој очигледно несовесно постапил при вршењето на своите овластувања и овозможил на фирмата-превозник и на одговорното лице во неа да поседуваат доказ за исправноста на тахографот.“

    Остави коментар

    Leave a Reply

    Advertisement
    Advertisement
    Advertisement
    Advertisement
    Advertisement

    Огласи за вработување:

    Advertisement
    Advertisement
    Гостиварпред 25 минути

    За една недела во Гостивар 156 новозаразени со корона

    Македонијапред 2 часа

    Влез во Бугарија од четврток со задолжителен негативен ПЦР

    Вестипред 3 часа

    Православен празник Водокрст (Водопост)

    Македонијапред 13 часа

    Официјално: Второто полугодие ќе почне од 1 февруари

    Македонијапред 14 часа

    Да се одложи почетокот на второ полугодие-предлог на Кризниот штаб

    Македонијапред 16 часа

    Состанок на Главниот кризен штаб за почетокот на второто полугодие

    Гостиварпред 19 часа

    Гостивар со 6 нови + на корона и пријавен смртен случај

    Македонијапред 20 часа

    Ковачевски со новата Влада на прием кај Пендаровски

    Гостиварпред 20 часа

    Акција во Гостивар и Тетово: До 400 евра казни за пијани возачи

    Гостиварпред 22 часа

    Општина Гостивар објави оглас за финансирање на проекти

    Македонијапред 22 часа

    Ново поскапување на горивата

    Македонијапред 1 ден

    Четврта сезона на проектот „Ги запознаваме ретките болести“

    Гостиварпред 1 ден

    Во Бигорски почнува Богојавленското празнување, крстот на Водици ќе се положи во Радика

    Македонијапред 6 дена

    Дали ќе се продолжи зимскиот распуст и по кој модел ќе почне второ полугодие?

    Македонијапред 1 недела

    Горивата од полноќ со поскапени цени

    Македонијапред 1 недела

    Силен земјотрес во Грција почувствуван во Македонија

    Гостиварпред 2 недели

    Бадникова поворка 2022, Гостивар ја продолжи традицијата за Бадник

    Што, како, каде?!пред 2 недели

    Кафе бар BABY BLUE во Гостивар блеснува во нов сјај – отворање утре!

    Вестипред 5 дена

    Вечерва е Православна Нова година (Стара Нова), утре се празнува Василица

    Гостиварпред 1 недела

    Да нема дупло плаќање на гробиштата во Гостивар, предлог на советникот Адеми

    Гостиварпред 2 недели

    ФОТО ВЕСТ: Гостивар, Бадник 2022 година

    Што, како, каде?!пред 1 недела

    Нова неделна акција на Монтенегро Маркети

    Македонијапред 7 дена

    Објавен огласот за помош за сметките за струја на лицата со ниски примања

    Гостиварпред 2 недели

    Физичка пресметка на ски-терените на Бистра, две лица потешко повредени

    Гостиварпред 1 недела

    Инспекции за сертификати и протоколи низ локали во Гостивар и Тетово

    Гостиварпред 2 недели

    „Метафора на слободата“ на Реџепи – инспирација Кејот во Гостивар да стане уметничко катче

    Гостиварпред 2 недели

    Бадникова поворка 2022, Гостивар ја продолжи традицијата за Бадник

    Македонијапред 1 месец

    Убавините на пештерата Шаркова Дупка во Маврово (Фото)

    Локални избори 2021пред 3 месеци

    Униите на жени на ВМРО-ДПМНЕ и АА во Гостивар заедно на марш „Напред розово!“

    Спортпред 5 месеци

    КК Гостивар започна со подготовките за новата сезона

    Спортпред 7 месеци

    ФОТО ВЕСТ: Македонија тргна за Букурешт на EURO 2020

    Гостиварпред 8 месеци

    Етно вешта жена во гостиварско Зубовце – старински специјалитети, чист воздух и дружење

    Гостиварпред 8 месеци

    Повторно протест во Гостивар: Хартиените учебници да останат основно средство за учење!

    Гостиварпред 8 месеци

    Протест во Гостивар: „Нема да дозволиме експерименти врз нашите деца“

    Гостиварпред 9 месеци

    Паркот во Гостивар ќе добие нов лик и социјално инклузивен дел (фото)

    Гостиварпред 11 месеци

    На поларно време и снег Гостивар маршираше во чест на жртвите во автобуската несреќа

    Гостиварпред 12 месеци

    Како се прославуваше Водици во Гостивар од 2016 до 2020 година (галерија)

    Спортпред 1 година

    На Градскиот стадион во Гостивар: ФК Гостивар – ФК Вардар Форино 1:0 (фото)

    Спортпред 1 година

    На Градскиот стадион во Гостивар: Вардар Форино – Вардар Скопје (8:9)

    Advertisement

    Популарно изминативе 100 дена