Полицијата контролира техничка исправност на возила, 4 казни во Гостивар

Денеска (15 септември) од 8 до 12 часот, полициски службеници на СВР Тетово спроведоа акциска контрола, во чие средиште беше техничката  исправност на возилата, но и други недостатоци, односно сообраќајни прекршоци. Во контролата откриени и законски санкционирани се 12 возила со неисправни сопирачки (ТЕ-8 и ГВ-4), 2 нерегистрирани возила и едно со други недостатоци.
Соодветно санкционирани, исто така,биле и 4 возачи без потребната возачка дозвола за управување, 1 возач со важечка забрана и 1 за неносење возачка дозвола.Во овој период санкционирани биле и 12 непрописно, односно погрешно паркирани возила(ТЕ),додека 6 (ТЕ) возила била подигнати од тетовската „пајак-служба“.
Во акциската контрола откриени и со адекватни поднесоци санкционирани се и 12 други видови прекршоци (ТЕ-3 и ГВ-9).
СВР Тетово со уште еден апел до возачите на патнички, товарни возила или мотоцикли навреме да ја проверуваат техничката исправност на нивните возила и да не ја доведуваат во прашање нивната и безбедноста на другите учсници во сообраќајот, но и да не седнуваат зад волан без положен возачи испит, со несоодветна категорија или со важечка забрана за управување.