Полициска контрола во Гостивар: Казнети лица кои возеле без дозвола

Полициски службеници од Мобилната единица за безбедност во сообраќајот вчера (29 мај)  од 11 до 14 часот, спровеле акциска контрола на подрачјето на Гостивар, во која откриени и санкционирани се 10 возачи кои ги управувале возилата и мотоциклите без возачка дозвола и 6 возачи чии возила имале истечена регистрација.

„На прекршителите изготвени им се соодветни поднесоци и тие ќе се соочат со предвидените парични глоби и други мерки според Законот за безбедност на сообраќајот и Законот за возила. При контролата, исто така, санкционирани се и 5 други видови сообраќајни прекршоци. Превентивните и други контролни активности со несмален интензитет ќе продолжат и во наредните денови, во функција на подобрување и унапредување на вкупната безбедност на патиштата во поширокиот Полошки регион.“, информира полицијата.