Полнети ќофтиња, за мераклии на јадења со мелено месо

Ќофтињата се едно од омилените месни јадења во голем дел од домашните кујни. Ова е идеја плус за како ги да подготвите на поинаков начин.

состојки:

1 кг. мелено месо

2 чешниња лук

1 главица кромид

200 гр. кисели краставички

1 јајце

1 лажица лебни трошки

200 гр. кашкавал

сол, мешан сув зачин, бибер, буковец, магдонос

подготовка:
Меленото месо го замесуваме со јајце, ситно насецкани кромид и лук, лебни трошки и зачините. Краставичките и кашкавалот ги сецкаме. Земаме од месото го растегнуваме во рака и ставаме од сецканите кашкавал и краставички. Го затвораме и формираме ќофте. Иста постапка се повторува со целото мелено месо. Потоа во намрсена тава ги редиме ќофтињата. Печеме во загреана рерна на 180 степени околу 30 минути.
По желба и вкус можете да додадете доматен сос во тавата пред печење.