Торта готова за 15 минути

Брз, сочен, премногу едноставен десерт готов за 15 минути. Идеален кога ќе ве изненадат гости, со лесен и освежителен вкус. Во овој рецепт ние предлагаме да користите малини, но можно е да го направите со било кое друго овошје што го имате или ви се допаѓа.

Потребни состојки :

500 мл слатка павлака

200 гр шеќер во прав

500 гр кисела павлака

300 гр малини или некое друго овошје (количината може да биде по избор, како и видот на овошјето, но не помалку од 300 гр, најдобро е киселото овошје)

500 гр мелени бисквити или плазма

Подготовка:

Изматете ја слатката павлака, додадете ги киселата павлака и шеќерот во прав и повторно изматете. Потоа додадете ги мелените бисквити или плазма и замрзнатите малини (или било кое друго овошје)  и измешајте сè.

Смесата треба да е малку помека, а ако смесата е густа, додадете половина чаша млеко. и измешајте.

Покријте го калапот со фолија, а потоа протресете ја целата смеса и израмнете.

Оставете го овој колач неколку часа во фрижидер. Кога треба да се извади од фрижидер целата смеса се врти на другата страна.

Украсете по желба.