Македонија
Попова Шапка модерен ски-центар, маркети Лидл во 8 градови, нови фабрики-претставен инвестицискиот план 2021-2027
Инвестиции во вкупна вредност од 8 милијарди и 175 милиони евра се предвидени со Интервентниот план за инвестиции 2021-2027, кој денес на прес конференција го претстави премиерот Зоран Заев.
5 милијарди и 791 милиони евра се јавни инвестиции, додека 2 милијарди и 384 милиони евра се планирани приватни инвестиции.
„Пред завршна финална фаза сме на постигнување финален правен договор за инвестиција во скијачкиот центар Попова Шапка, во вредност од 50 плус 50 милиони евра. Проектот е согласно Законот за концесии и јавно приватно партнерство, а суштината е издавање на 99 години на еден од најголемите инвеститори во скијачки центри во Европа, за којшто името се уште останува доверливо, ред е самиот инвеститор да го објави тоа кога ќе биде одлучено. Се радуваме посебно на оваа инвестиција затоа што ќе даде нова димензија на туризмот, на зимскиот туризам пред се и нашата Шар Планина и Попова Шапка, ќе бидат нешто коешто ќе го смени имиџот на државата.“, изјави Заев.
Меѓу другото, премиерот спомена и дека германски „Лидл“ ќе отвора неколку маркети во Скопје и уште во 7 други градови. „Вредноста на инвестицијата е 300 милиони евра, се преговараат во моментот локациите, прво во Скопје. Важно е што обврска на инвеститорот е за откуп и продажба на домашни земјоделски и кондиторски и секаков вид на производи кои се компетитивни за сите маркети на „Лидл“ во југоисточна Европа.“, истакна претседателот на Владата.
Во инвестицискиот план се предвидени и нови фабрики и погони, како и проширување на веќе постоечки во технолошко-индустриските развојни зони. Најавени се неколку компании од Германија, Белгија, САД, Швајцарија, Турција, Холандија, Словенија од повеќе индустриски сектори, како фармацијата, автомобилската, прехранбената, градежната индустрија, бројлерското производство и други области.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот