Потврдени нови заболени со КОВИД 19 во Скопје, Тетово, Струга, Велес и Охрид

Во изминатите 24 часа направени се 286 тестирања, а регистрирани се 25 нови случаи на ковид-19, извести Министерството за здравство. По региони од: Скопје-16, Тетово-4, Струга-1, Велес-2 и Охрид-2.

Од вкупниот број на направени тестови во изминатото деноноќие 124 теста се направени во рамките на скринингот во градинките и сите се негативни. Досега во земјата се направени вкупно 21.722 тестирања на КОВИД-19.

Министерството информираш дека на Клиниката за инфективни болести и фебрилни состојби почина пациентка од Куманово (60 г.), хоспитализирана на клиниката од 27 април. Во ГОБ „8 септември“ почина пациент од Струга (59 г.), примен на 16 мај и пациент од Скопје (51 г.) хоспитализиран на 4 мај.

Вкупната бројка на ковид дијагностицирани во нашата земја од почетокот на епидемијата изнесува 1.817, бројката на оздравени пациенти е 1301, на починати е 104, а во моментов бројот на активни случаи во земјата изнесува 412.

Изминатото деноноќе регистрирани се 8 оздравени пациенти од Скопје и Прилеп.