Повреден работник кој со булдожер го чистел снегот на патот кон Галичник

Триесетгодишен тетовец Ш.И. се здобил со телесни повреди, вчера околу 13 часот, на регионалниот пат Маврово-Галичник, во близина на месноста „Царева чешма“, додека со булдожер работел на расчистување на снегот.

„Откако со булдожерот заглавил во снегот, излегол и застанал на металните скали од десната страна на машината, но зад него се наоѓал друг булдожер кој, исто така, расчистувал и кој врз Ш.И. истуркал поголема количина снег, од која тој паднал и се повредил“, соопшти полицијата. Набрзо притрчале други вработени и го извлекле работникот, по што со возило бил пренесен во амбуланта во Маврови Анови. По укажаната помош бил префрлен во тетовската клиничка болница, од каде нешто подоцна пуштен е на домашно лекување.

СВР извести дека е извршен комплетен увид и се расветлуваат причините за несреќата, околностите во кои се случила и се друго.