Повреден работник на „Комуналец“

Работник на гостиварски „Комуналец“ ја скршил раката, додека собирал смет. За среќа, повредата не била со посериозни последици и по добиената лекарска помош работникот бил пуштен дома.

Настанот се случил вчера попладне. Педесет и две годишниот гостиварец, вработен во Јавното претпријатие „Комуналец“ бил донесен на Ургентното одделение во гостиварската болница со фрактура на левата рака Повредата ја добил работејќи на подигнување смет на улица „Браќа Ѓиновски“ во Гостивар. Му била укажана потребната медицинска грижа и е пуштен на домашна нега.

Полицијата ги утврдува околностите под кои се случила повредата.