Повредена жена во сообраќајка на патот Анови-Дебар

Рано утрово околу 4 часот и 30 минути, се случила сообраќајна несреќа на регионалниот пат Маврови Анови-Дебар, во непосредна близина на Ростушки мост, која завршила со едно повредено лице.

Како што соопшти СВР,  патничко возило „БМВ“ со охридски регистерски таблици, управувано од 55-годишниот Љ.А. од селото Бајрамовци, Центар Жупа, загубило контрола и удрило во бетонски заштитен sид.  Од удирањето во sидот, 47-годишната сопатничка Д.М. од Скудриње се здобила со тешки телесни повреди  скршеница на десната рака). По укажаната лекарска помош во Здравствениот дом Ростуше и во болницата во Дебар, жената била пренесена во охридската болница „Свети Еразмо“.

Полицијата информира дека е извршен увид и се утврдува причината за несреќата, околностите и другите поединости.