Прекршувања и на изолација и на полициски час во Гостивар

Во текот на изминатото деноноќие,  според статистиката на Секторот за внатрешни работи Тетово за неносење заштитни маски на вкупно 94 лицa, од кои во тетовско 58, а во гостиварско 36 изготвени им се прекршочни платни налози, согласно член 6  од соодветната владина Уредба.

Во истиот период на 65 лица во Тетово и на 35 лица во Гостивар изготвени им се нови решенија за изолација од Државен санитарен инспекторат. Контроли им биле извршени во тетовско на 543 и во гостиварско на 374 лицa со вакви решенија и при тоа  било констатирано дека три лица во гостиварско Форино не ги почитувале  решенијата за изолација.

Во периодот од 20 часот вчеравечер до 5 часот утрово регистрирани се 2 прекршувања на полицискиот час во Тетово и 4 во Гостивар.