Пресуди за „Рекет“: Јанева осудена на 7, Јовановски на 9 години затвор

По шест месеци судење, денеска Врховниот суд во Скопје донесе пресудата за случајот „Рекет“.

Бојан Јовановски – Боки 13, за двете кривични дела е осуден со две затворски казни од по 5 години или единствена казна затвор од 9 години, сметајќи го времето поминато во притвор.

Шефицата на Специјално јавно обвинителство Катица Јанева, судот ја осуди на 7 години затворска казна сметајќи го времето поминато во притвор.

Истрагата за случајот „Рекет“ обвинителката Вилма Русковска ја отвори на 15 јули лани, кога беше уапсен и Јовановски, кој од тогаш се наоѓа во притвор во затворот во Шутка. Катица Јанева, пак, стана осомничена на 21 август 2019. Таа помина неколку месеци во Шутка, а од ноември минатата година се наоѓа во домашен притвор. На првото рочиште за овој случај обвинетитот Зоран Милевски-Кичеец ја прифати вината и на следното рочиште беше осуден на три години затвор.