Приведен осомничен за грабежот во обложувалница во Гостивар

Гостиварската полиција приведе лице под сомнение дека е извршител на разбојништвото, кое се случи во неделата во обложувалница во Гостивар.

Во текот на вчерашниот ден, околу 15 часот и 40 минути лишен од слобода е 45-годишен гостиварец, поради сомнение дека е извршител на разбојништвото во спортската обложувалница, лоцирана на улица „Маршал Тито“, на плоштадот во Гостивар, информираат од полицијата.

Нешто подоцна, со судска наредба, извршен е претрес во неговиот дом и помошни простории на улица „Драге Тодоровски“ во Гостивар, при што се пронајдени: гасен пиштол „Рек мајами“ со празна рамка, калибар 9 милиметри, црна капа и црни патики, кои се фотодокументирани и со потврда одземени за вештачење.

Се работи на целосно расчистување на случајот.