Проблемите и маките на лицата со попреченост, тема во „МИНУТИ ЗА СЕКОГО“-Премиера утре

Секоја година, 3 декември се одбележува како Меѓународен ден на лицата со попречености, со цел да се покрене јавната свест и да се акцентираат тешкотиите и бариерите со кои секојдневно се соочува оваа категорија на граѓани. Gostivarpress.mk ја актуелизира оваа тема во новото издание на видео емисијата „МИНУТИ ЗА СЕКОГО“, а наш соговорник е Благица Димитровска, активист за правата на лицата со попреченост, претседател на здружението за промоција и развој на инклузивно општество „Инклузива“ од Куманово и мајка на лице со попреченост.

Со Димитровска зборуваме за живот на луѓето кои имаат одреден вид на попреченост, за  стигматизацијата и предрасудите во општеството, за третманот на институциите,   условите за остварување на основните човекови права. Дискутираме и за тоа кои се најголемите пропусти во системот за вклучување на овие лица во процесот на  образование и на пазарот на труд.

Премиерата на новот издание ќе се емитува утре (петок, 15 декември) на Јутуб каналот на Gostivarpress.mk.

Серијалот емисии „МИНУТИ ЗА СЕКОГО“ се прикажува со толкување на знаковен јазик со што се овозможува еднаков пристап на лицата со оштетен слух.