Гостивар
Проект „Превенција од насилство во спортот“ за средношколците во Гостивар и Тетово
Секторот за внатрешни работи Тетово денеска (6 април) започна со практична имплементација на нов превентивно-едукативен проект „Превенција од насилство во спортот“, чиј носител е Отсекот за превенција.
Со проектот ќе бидат опфатени околу 3000 ученици од трета година, кои следат настава на македонски, албански и турски јазик во сите тетовски и гостиварски училишта. Стручно обучени полициски службеници на учениците-средношколци, на посебни часови, ќе ги информираат за законските импликации предвидени во Законот за спречување на насилство и недостојно однесување на спортски натпревари, а со кои можат да се соочат доколку иницираат или непосредно бидат инволвирани во инциденти на натпревари или манифестации од спортска природа и карактер.
„На часовите, исто така, на учениците ќе им се укаже и на општествената и друга потреба за меѓусебно почитување и толеранција, без разлика на нивната етничка, верска и друга припадност, за воздржување од говор на омраза и за надминување на разните видови предрасуди и стереотипи. Проектот се планира да се реализира овој и идниот месец, со цел преку информирање и едукација навреме да се превенираат можни инциденти и други несакани настани на спортските натпревари.“, информира СВР.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар