Прогноза за работната недела за Гостивар: Сонце и жештини

Месецот јули започнува со горештини. Времето во целата земја, па и во регионот на Гостивар деновиве ќе биде сончево и многу топло.

Денес, понеделник Сонцето изгреа во 5 часот и 5 минути, а ќе зајде во 20 часот и 15 минути. Ќе владее жешко време, со слаб до умерен ветер од северен правец. УВ зрачењето ќе има висок индекс 9, поради што се препорачува соодветна заштита и избегнување изложување на сончеви зраци во најтоплиот дел од денот. Температурата ќе се движи од 16 до 30 степени.

Во текот на наредните денови од работната недела, температурите ќе бидат во пораст и максималната ќе достигне 34 степени. Ќе се задржи сончево време, додека во четврток навечер ќе постојат услови за наоблачување и краткотраен дожд.