Вести
Пуштена во употреба нова фабрика во Гостивар – вработува 40 луѓе
Со пригодна свеченост во гостиварски Балиндол, денес официјално беше пуштена во употреба фабриката на англиската компанија Пауер Рисорсес Груп. Во фабриката – рафинерија за производство на редок метал тантал, се инвестирани 12 милиони долари, а моментално се вработени 40-тина работници.
На церемонијата на отворањето присуствуваа бројни гости, соработници, јавни личности од политичкиот живот и бизнис заедницата од Гостивар и пошироко.
Директорот на компанијата Реј Пауер, упати благодарност до целиот тим за успешно завршената работа.
„После неколку години истражување и речиси две години индустриска изградба и тестирање, можам да кажам дека оваа фабрика во Балиндол е неверојатно достигнување. Развивањето на нова технологија од индустриски размери во ограничен рок е многу сложено. Но, мојот тим составен од технолози, инженери, научници, техничари, административен персонал ја изгради оваа фабрика од нула, честопати принудуван да измислува нови процеси со ограничени хардверски извори што ни беа достапни на локално ниво“, рече Пауер.
На свеченоста се обрати и Принцот Мајкл од Кент. „Како голем пријател на оваа земја го гледав развојот на оваа инвестиција од блиску. Тоа што компанијата Пауер Рисорсес Груп го постигна тука е навистина извонредно. Сакам да потенцирам дека ваквите компаиии како ПРГ имаат вистинско влијание во отворање нови работни места и општествен развој“, нагласи принцот.
Градоначалникот Невзат Бејта изнесе дека како општина секогаш се залагале за обезбедување поволни услови за инвеститорите. „Сите компании коишто инвестирале во општина Гостивар ја издигнале економијата и ја ублажиле нвработеноста и за тоа сме благодарни. Ние постојано создаваме услови за инвеститорите, и за странските и за домашните. Во оваа прилика сакам да ги повикам нашите бизнисмени кои работат надвор да се вратат и да инвестираат во родниот крај, за што ние се трудиме да обезбедиме поволен терен“, рече градоначалникот пред присутните.
Фабриката во Балиндол ќе произведува биокомпатибилен редок уникатен метал, тантал кој наоѓа примена во светот на високата технологија. Најчесто се употребува во висококвалитетната електроника, за одредени делови во таблети, ајфони и други електронски уреди. Освен тоа се користи и во медицински импланти. Од компанијата потенцираа дека процесот на преработка е безбеден за околината без испуштање штетни гасови и загадувачки отпад.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница