Вести
Путин: Русија ќе ги брани своите интереси со сите расположливи средства
Рускиот претседател Владимир Путин денеска изјави дека Москва ќе ги брани своите интереси „со сите расположливи средства“, пренесyва Ројтерс.
Путин ги даде коментарите за време на телевизиската сесија на рускиот Совет за човекови права, велејќи дека Западот ја третира Русија како земја од „втора класа“ која нема право да постои. Тој рече дека Рускиот совет за човекови права може да биде важно меѓународно место за заштита на човековите права.
„Верувам дека нашиот Државен совет како институција веќе работи со бројни граѓански организации во Русија, но и во странство и може да стане важно меѓународно место каде што ќе може да се разговара за прашањата за човековите права и заштитата во современиот свет“, истакна Путин, јави ТАСС.
Додавајќи дека „доктрината за човекови права се користи на глобално ниво за да се уништи суверенитетот на државите и да се поддржи доминацијата на Западот“.
„Гледаме дека оваа доктрина се користи за уништување на суверенитетот на државите, за оправдување на западната политичка, финансиска, економска и идеолошка доминација“, истакна Путин.
Тој уште образложи дека Русија во Украина има распоредено речиси половина од луѓето регрутирани во делумната мобилизација на резервистите, односно околу 150.000 војници.
„Од 300.000 наши мобилизирани борци, наши луѓе, нашите бранители на татковината, 150.000 се во оперативната зона. Од тој број 77.000 резервисти се директно распоредени во борбите, а останатите се распоредени во втората и третата борбена линија“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар