Работата на ОВР Гостивар за двете пандемски години утре на седница на Советот

Извештаите за работата на ОВР Гостивар за 2020-та и 2021-ва година утре ќе се најдат на дневен ред на седница на Советот на општината. Документите содржат податоци за состојбата со безбедноста, криминалитетот, јавниот ред и мир, сообраќајот и друго, на подрачјето што го покрива гостиварското одделение за внатрешни работи, во изминатите две години кои поминаа во знакот на ковид пандемијата.

Во двата извештаи се наведува дека безбедносната состојба на подрачјето била стабилна без посериозни наруѓувања. Во 2021 се бележи зголемување на бројот на кривични дела во однос на 2020-та, кога пак имало намалување споредено со претходната година.

На утрешната седница, освен работата на полицијата, на дневен ред е и предлог одлука за започнување на постапка за доделување на договор за воспоставување на јавно-приватно партнерство за системот за јавно осветлување, предлог одлука за ослободување на плаќање на самохраните родители кои се социјални случаи во  ЈУДГ “Детска Градинка-Гостивар и др.