Повредено едно лице во сообраќајка во Гостивар

Ноќеска (28 април) десетина минути по полноќ, во СВР Тетово пријавена е сообраќајна несреќа која се случила на крстосницата на улиците „Беличица“ и „Мара Угринова“ во Гостивар, а во која учествувале две патнички моторни возила:„хонда“ со гостиварски регистарски ознаки управувано од А.Ш.(29) од долнореканско Врбјане и „фиат“ со скопски ознаки, што го управувал Х.И.(34) од велешко Бузалково, а во кое како сопатник се превезувал и А.Х.(37) од Скопје.

Во несреќата, совозачот од „фиатот“ се здобил со тешки телесни повреди, констатирани во гостиварската Општа болница „Ферид Мурад“, додека на повреди се пожалил и возачот Х.И.

На местото на несреќата увид извршила екипа од Одделението за внатрешни работи Гостивар.