Расте бројот на разводи во Гостивар – паровите не сакаат да ги решаваат проблемите

Продолжува трендот на висока стапка на разводи на гостиварското подрачје. Според податоците од надлежните служби, во текот на 2018-та година се развеле 120 парови, што е за 20-тина повеќе од претходната година.

Секоја развод има своја приказна и причините се индивидуални, но искуството на социјалните служби во Гостивар зборува дека многу често се работи за меѓусебна нетрпеливост и нарушена комуникација меѓу брачните партнери. Психолозите лоцираат голем проблем во немањето воља од сопружниците да поработат на надминување на недоразбирањата, нема пракса да се посетуваат советувања и не се вложува напор за поправање на грешките.

„Кога доаѓаат кај нас, веќе имаат донесено конечна одлука за развод и не оставаат  простор за помирување.“, вели психологот и  психотерапевт Билен Карахасан.

Кога доаѓа до развод на бракот меѓу парови кои имаат малолетни деца, последиците врз нив може да бидат сериозни, нагласуваат психолозите и советуваат во такви случаи родителите да обрнат големо внимание на децата, да не прават кавги и расправии пред нив и да се потрудат да им дадат разумно објаснување.

Инаку, на ниво на цела Македонија годишно се регистрираат по околу 2.000 разводи