Реалмонте – Психоделичен рудник за сол во Сицилија

На јужниот брег на Сицилија се наоѓа градот Реалмонте, а на 100 метри под него се протега лавиринт од тунели долг 25 километри – Рудникот за сол Реалмонте. Ѕидовите на рудникот се украсени со разни појаси од темни и светли бои, распоредени во концентрични кругови и риги.

Оваа шема на бои во карпите е формирана пред околу 5 милиони години, кога морската вода испарила и оставила големи количини сол како талог. Во овој период, Средоземното Море помина низ циклус на делумно или речиси целосно сушење.

Покрај својата необична природна убавина, во рудникот за сол Реалмонте има и црква сместена длабоко во рудникот, заедно со олтар, скали и фрески. Црквата може да прими до 800 луѓе, а секоја година на почетокот на декември во неа се одржуваат церемонии со кои се слави Санта Барбара, заштитникот на рударите.

Реалмонте се уште е активен рудник од кој секоја година се вадат околу 500 илјади тони сол.