Рекорд на оздравени во земјава и Гостивар во денешната ковид статистика

Во извештајот за состојбата со ковид што денес го објави Институтот за јавно здравје, како оздравени во земјава се евидентирани 3.803 лица, од кои 126 од подрачјето на Гостивар.  Во појаснувањето од ИЈЗ стои дека од вкупниот број на оздравени, 3.564 биле пријавени како позитивни од периодот 1 јануари до 31 март 2021 г.

„Се работи за лица кои не се пријавени досега како оздравени до ИЈЗ, а кај кои се поминати 20 дена од позитивен резултат. Овие лица за време на болеста или биле хоспитализирани или немале матичен лекар или се странски државјани, па затоа не излегол предлог за оздравување во епидемиолошките служби на ЦЈЗ/ПЕ низ државата.“, наведуваат од Институтот.

Според нивните податоци во последното деноноќие регистрирани се 123 нови случаи на ковид во Македонија, од направени 2.598 тестови. Регионот на Гостивар е со 4 новозаразени и едно починато лице. Вкупно смртни случаи има 17.