Revakcinacija.mk за лица над 60 години што примиле прва доза Астра Зенека во Србија

Македонските државјани над 60 годишна возраст кои во Србија примија антиковид вакцина од „Астра Зенека“ ќе се ревакцинираат во земјава. Тие ќе се пријавуваат преку  посебен сајт „ revakcinacija.mk“, рече министерот за здравство Венко Филипче . Вакцинираните со Астра Зенека во Србија помлади од 60 години, нема да може да примат втора доза во Македонија.

„Иако со министерот Лончар разговаравме интензивно во однос на тоа да се донесат дел од тие вакцини кои се за ревакцини на нашите граѓани вакцинирани во Србија, за жал Србија не може да ги извезе. Така што, ние од денес ќе активираме нов сајт, кој ќе биде линк од vakcinacija.mk, ќе го носи името revakcinacija.mk, кадешто ќе може да се пријават сите граѓани над 60 години, согласно нашите критериуми, за да обезбедиме количина од Астра Зенека за нивна ревакцинација. За ревакцинација кај нас станува збор само за граѓаните над 60 години“, изјави Филипче.