Ронда – Еден од најубавите градови во Андалузија, Шпанија

Ронда е град кој се наоѓа на околу 100 km северозападно од градот Малага, секогаш во сенка на поголемите Севиља, Кордоба, Гранада, со популација од околу 35.000 жители, Ронда е едно од највоодушевувачките места во Андалузија.

Потекнува 6-ти п.н.е, први ја населиле Келтите, а нешто подоцна и Фениќаните. Сепак, моменталниот град е малку помодерен, односно најстарите градби во него потекнуваат од римско време од кога и постепено се развива, официјално титулата град ја добива за време на римскиот император Јулиј Цезар.

Ронда е граден во хармонија со природата, издигнат на карпа, во планинско подрачје на 750 метри надморска висина, а најпознат дел од градот е 100 метри длабокиот и стрмен кањон Ел Тахо низ кој поминува реката Гуадалевин, која исто така, тече низ градот поставувајќи природна граница помеѓу стариот и новиот дел на градот. Двата дела ги поврзуваат 3 моста, Пуенте Романо, Пуенте Виехо и највисокиот од нив Пуенте Нуево, кој се издига на дури 120 метри од подножјето на кањонот.

Ронда со својата убавина, со векови привлекувала уметници од сите области, а некои од нив како Ернест Хемингвеј и Орсон Велс , “повремено“ биле и жители на ова место каде поминувале и по неколку месеци годишно.