САД и Велика Британија ги бомбардираа Хутите во Јемен

Американската војска и нејзините сојузници синоќа извршија напади врз повеќе од 60 цели на 16 локации што ги користат Хутите во Јемен. Ова е прв удар против Хутите откако групата почна да пука со беспилотни летала и проектили врз товарни бродови во Црвеното Море. Хутите велат дека САД и Велика Британија ќе платат висока цена „за очигледна агресија“.

Нападите врз Јемен беа насочени кон воените капацитети на Хутите и се обидоа да избегнат колатерална штета, а дејствијата на Хутите претставуваат закана за САД и за целиот свет, изјавија американски официјални лица.

Тие потврдија дека ударите биле извршени од авиони, бродови и подморници.

Хузам ал-Асад, член на Политбирото на движењето Хути, рече дека САД и Велика Британија ќе жалат што започнале операција против Јемен.

“Нашите вооружени сили се добро подготвени, а агресорите ќе жалат за агресијата врз јеменскиот народ”, рече Ал Асад. Toj нагласи дека Хутите ќе ја одредат насоката на воените операции.

Русија денеска соопшти дека побарала итна седница на Советот за безбедност на ОН на која ќе се разговара за воените напади на САД и Велика Британија врз цели на Хутите во Јемен.

Се очекува средбата да се одржи подоцна денеска, по останокот за решение на блискоисточната криза.