Вести
САД тврдат дека инвазијата на Украина е можна во следните 48 часа – Закажан итен разговор меѓу Путин и Бајден
Тензиите во Украина го достигнаа врвот. Белата куќа вчера соопшти дека во следните два дена е можна руска инвазија на Украина и ги повикуваат Американците да ја напуштат таа земја. Тие наведуваат дека е можно бомбардирање, со што би оневозможиле евакуација на странци.
Ова е највознемирувачката порака на американските претставници досега.
Советникот за национална безбедност Џејк Саливан рече дека руските сили сега се во позиција да започнат голема воена операција.
„Кога Американците и Русите ќе почнат да пукаат еден кон друг, тоа е светска војна. Како што рековме претходно, инвазијата може да се случи во секој момент, доколку Путин даде таква наредба. И покрај шпекулациите дека тоа може да се случи по завршувањето на Олимписките игри, јас јасно ќе кажам дека тоа може да се случи за време на Олимписките игри“, рече Саливан., нагласувајќи дека „не велиме дека рускиот претседател ја донел таа, како конечна одлука“.
На иста линија со советникот за национална безбедност е и американскиот претседател Бајден.
„Ние сме во многу поинаков свет отколку што некогаш сме биле. Тука немаме работа со терористичка организација, таа е една од најголемите армии во светот. Тоа е сосема поинаква ситуација и работите може брзо да полудат“, објасни американскиот претседател Џозеф Бајден во интервју за NBC News.
Во меѓувреме и Москва и Киев објавија дека дводневните преговори во Берлин со посредство на Германија и Франција доведоа до одреден напредок кон мирно решение, но дека на обврзувачката хартија ништо не е потпишано.
Русија претходно ги отфрли обвинувањата за инвазија.
Рускиот претседател Владимир Путин и неговиот американски колега Џозеф Бајден планираат вечерва да одржат вонреден телефонски разговор, изјави портпаролот на Кремљ, Дмитриј Песков. Тој додаде дека разговорот е на иницијатива на американската страна, пренесе Спутник.
Дел од западните земји и членки на НАТО наредија итна евакуација на своите дипломатски претставништва и нивни граѓани од Украина, меѓу кои САД, Германија, Велика Британија, Холандија, Данска, Јапонија, Австралија и Нов Зеланд. Додека жителите на источна Украина беспомошни чекаат да видат каква е нивната судбина.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар