Седми ден без прекршување на полицискиот час во Гостивар

Во изминатите 24-часа (12/13-мај), според статистиките на Секторот за внатрешни работи Тетово евидентирано е дека немало прекршување на забраната за движење на гостиварско подрачје, што е веќе седми ден без ваков прекршок, додека во Тетово во изминатото деноноќие е регистриран еден случај.

Според статистичките податоци во СВР Тетово, полициските службеници, исто така, евидентирале дека во овој период 9 нови лица (ТЕ-9) се во изолација со решение од Државен санитарен инспекторат, а контролирале вкупно 144 лица (ТЕ-143 и ГВ-1), додека решенија за самоизолација потпишале 2 нови лица (ТЕ-1 и ГВ-1), а е извршена контрола над 35 лица (ТЕ-34 и ГВ-1) кои се во самоизолација.

Исто така, откако е донесена одлуката за задолжително користење на заштитни маски вкупно 282 лица се писмено предупредени поради непочитување на наредбата за користење на заштитна маска.