Гостивар
Сектор за образование Гостивар: Грејната сезона во училиштата ќе почне навреме, но ќе биде многу тешко
Грејната сезона во училиштата на територијата на Општина Гостивар ќе започне навреме, но со оглед на енергетската и економска криза се очекува тешка зима, оценуваат од општинскиот Сектор за образование.
„Со затоплување на училиштата треба да почнеме од 15 октомври и ние сме подготвени, затоа што секогаш остануваат резерви нафта и од претходната година. Значи имаме нафта сега за сега, во сите училишта. Сепак, понатаму не знаеме како ќе се одвиваат работите. Дотациите никако не се доволни да ги покријат трошоците за целата сезона, ние како општина за греење на школите користиме пари и од општинскиот буџет. Но, мислам дека оваа година ќе биде многу тешко, затоа што ни стигнуваат огромни сметки за струја. Како ќе продолжиме, не знаеме. Градоначалникот бараше зимскиот распуст да биде 2 месеци, а летниот да се скрати. За ова треба да реши МОН, а немаме одговор. Исто така, чекаме да видиме дали училиштата ќе продолжат да плаќаат индустриска струја, или тоа ќе се менува. Слушнавме преку медиумите дека премиерот рече дека ќе има некои промени, мерки, но се‘ уште немаме официјално писмено известување за тоа.“, вели раководителката на Секторот, Аслијан Снопче.
На почетокот на новата учебна година одуправите на училиштата било побарано да спроведуваат одредени мерки на штедење, за да се намалат трошоците за електрична енергија.
„Ние писмено баравме од директорите на училиштата да спроведуваат мерки на штедење, како на пример да не се греат спортските сали, за ходниците да не се троши струја, сијалиците да не се пуштаат без потреба и сл. Претежно училиштата се со нови фасади и мислам дека тоа ќе помогне да се заштеди. Во тек сме со сотојбата, проверуваме дали постапуваат по тие барања и до сега утврдидвме дека ги почитуваат“, кажа Снопче.
На гостиварска територија има 11 централни основни училишта, 20 подрачни и четири средни училишта.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар