Септември продолжува со посвежо и дождливо време

Времето денес (понеделник) ќе биде променливо облачно со повремени врнежи од дожд, кои на места и особено на југоистокот ќе бидат поројни и повремено проследени со грмежи. Преку денот ќе биде значително посвежо и ќе дува умерен до засилен северен ветер (и над 60 км/час) што ќе услови значително намалување на дневната температура. Во гостиварскиот регион максималната температура ќе достигне 22 степени.

Утре (вторник) ќе преовладува умерено облачно време со услови за локален слаб дожд и ќе дува умерен до засилен ветер претежно од североисточен правец. Во среда и четврток ќе се задржи стабилно, но посвежо време. Претежно во планинските региони ќе има зголемена облачност со услови за слаб локален дожд. Ќе дува слаб до умерен ветер од североисточен правец кој во југозападните делови краткотрајно ќе засилува.