Здравје и убавина
Шест видови на храна што ги потемнува забите
Некои намирници, како и севкупните навики во исхраната можат да придонесат за промена на бојата и потемнување на забите. Со годините глеѓта почнува да напукнува и да еродира, изложувајќи го дентинот кој апсорбира делови од храната.
Еве неколку намирници кои можат да придонесат за промена на бојата на забите.
- Чај
Чајот можеби се чини како поздрава опција од кафето, но не и кога се работи за забите. Топлиот чај содржи повеќе танини од кафето и може да предизвика пребојување на забите. Многу чаеви имаат мали честички кои навлегуваат во ситните пукнатини со што се добиваат карактеристични пребојувања. Чаевите со потемна боја повеќе ги пребојуваат забите од посветлите. Ако имате оштетувања на глеѓта и лоши стоматолошки навики, пребојувањето ќе се случи побрзо.
- Соја сос
Потемните течности се едни од најчестите виновници за пребојување на забите, меѓу кои и соја сосот. Пигментот од соја сосот се лепи за забите и прави дамки. За повеќето комерцијално достапни видови соја сос не се користи ферментирана соја, наместо тоа содржат соја протеин со солна киселина. Оваа киселина придонесува за промена на бојата на забите, како и за нивно оштетување. Покрај тоа, соја сосот е и потенцијално опасен за здравјето, бидејќи содржи големо количество на натриум.
- Балсамиран оцет
Иако е многу вкусен како додаток на салатите, оцетот може да остави дамки на забите. Оцетнта киселина може да ја оштети глеѓта на забите, бидејќи го намалува pH нивото во устата, што води до деминерализација на глеѓта. Ова прави забите полесно да се расипуваат, бидејќи глеѓта станува послаба од нормално. Се препорачува да се чека 30 минути после јадењето на кисела храна, пред да се четкаат забите, за да и се овозможи на устата да го поврати нормалното pH ниво.
- Кари
Овој зачин го прави јадењето во кое се додава многу повкусно, но и на забите им „додава“ жолта нијанса. Иако карито нема посебно темна боја, неговиот пигмент може да навлезе во забите и да ги пребои. Затоа е потребно после јадење кари да ги исчеткате забите или барем да ја исплакнете устата со вода.
- Бело вино
Познато е дека црвеното вино е добро за здравјето, но не е баш добро за забите. Истото важи и за белото вино. Едно истражување од 2009 година, направено од Универзитетот Њујорк, покажува дека и белото вино може да ги пребои забите и да ја оштети глеѓта, поради присуството на танини и киселини.
- Капини, малини, боровинки
Овие плодови се полни со витамини и антиоксиданти кои се одлични за здравјето. Сепак, нивната природно темна боја и шеќерот што го содржат со време може да ги пожолтат забите. Тие може да се залепат за глеѓта, создавајќи обвивка околу забот, независно дали ги јадете цели, или преработени како џем или како сок. Најдобро е да се напиете вода за да го спречите пребојувањето, а да завршите со чаша млеко или друг млечен производ за неутрализирање на киселината, а и за зацврстување на забите.
Во соработка со Е наука
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар