Здравје и убавина
Препораки и совети за справување со горештините
Во земјава деновиве, според метеоролошките служби, се очекуваат високи температури до 40 степени. На удар на жештините се сите луѓе, но особено ранливите групи, хронично болните, постарите лица, трудниците, малите деца, кои е неопходно посебно да внимаваат на здравствената заштита и однесување во жешките денови.
Лекарите советуваат дека во такви екстремни околности треба да ладат просториите, да се избегнува физичка активност, да се пие повеќе течности, да се избегнува престој на сонце во најтоплиот дел од денот. Помеѓу мерките кои треба да се преземат се постојано да се разладува домот. Се препорачува собната температура да биде под 32 степени во текот на денот, или под 24 во текот на ноќта. Ова е посебно важно за деца до 2 години, луѓето постари од 60 години, како и за хронично болните. Исто така, важно е да се избегне престој на отворено за време на најтоплиот дел од денот помеѓу 10 и 17 часот. Избегнувајте напорни физички активности. Ако некои работи мора да се завршат, направете го тоа во периодот од денот кога е посвежо, препорачливо од 4 до 7 часот наутро. Останете под сенка.
Никако немојте да оставате деца или животни во паркирани возила на сонце!
Носете лесна комотна облека изработена од природни материјали и светли бои. Често внесувајте течности, посебно вода, без оглед на тоа колку сте жедни. Треба да се избегнува алкохол и да се намали внесувањето на кафе и газирани безалкохолни пијалаци. Јадете помали, но почести оброци. Избегнувајте храна со висока содржина на протеини.
На чувствителните категории (деца, бремени жени и лица постари од 65 години) голема е веројатноста да им затреба помош во текот на жешките денови. Доколку почувствувате вртоглавица, гадење, вознемиреност, интензивна жед и главоболка. Веднаш побарајте сенка или ладен простор и измерете ја температурата на телото, јавете се на лекар / брза помош.
Додека чекате за помош, обидете се да се разладите, освежувајќи го лицето и главата со вода, отстранете го вишокот на облека и мирувајте.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар